Stray Thoughts....

Whenever I’m down or feeling blue, I’m inspired to write, it’s what I do. Sometimes a poem will appear, maybe two or three. Sometimes nonsense will come from inside of me. It’s not about any one person or thing It’s the result of what the feelings bring. When I write, a part of me comes out The writing shows that I’m full of doubt. Feelings and thoughts often collide Feelings and thoughts that I cannot put aside. I write what comes to mind But the words aren’t always kind. Don’t think less of me when you read, About the stray thoughts that are freed. Writing is my outlet, it’s my tool. Even though it comes from a fool. I could write forever and not express what I know. That my thoughts are both my friend and my foe. My thoughts are wild and unclear I could go on and on but I’ll end it here.

Ki jeete-jee jo bhi ho, mare ko paak kehte hai!

Aksar jindo ko hum unki aadto se pechte hain, aachi-buri, lazmi-belazmi. Zindagi main zingdai jeene ke dasttor hi pak aur napak insaano ko do hisso main baat dete hain... aur fir kuch batein nikalti hain jo door talak jaati hain....log asfaono ko fasana bana deta hain aur udte udte vo aasmano se pare isnako ki pechaan ban jati hain! Aise hi suna hai kuch ajeebo gareebo chaal chalan wale ek uncle hua karet they hamari colony main, "Misra Ji" kehte they log unko.... umra to siya-ram japne ki thi.. par mijaj main janab nai kuch jyada umra tay nhi ki thi!! Aaate-jatte kai aauro ki udhde hue vyangrya ka vishay they Misra ji, kuch unki dhalti umra ka lihaaz kar jati thi ti to kuch peeche se baate nbanae main nahi chukti thi. Kehte hain mandir bhi vo isliye jate they ki rang birangi saadiyon main ek hi jagah kaiyo ka deedar ho sake....!! kaafi rangeen zindagi aur khayalat ke maalik they Misra ji.... din bhar sharab, cigratte, ghazale, ya kabhi kabhi filmi gaane aur aate jaate logo ko ya fir yun kahe to aaurto ko dekhna hi kuch kaam they unki dincharya main! kaafi saal pehle unki theek thak dikhne wali eklauti bivi ne guzar ke unhe aazad kar diya tha...!! Poori colony main har koi sirf yahi kehta tha ki... pata nahi aise karm karke kahan jayenge.. narak main bhi jagah nahi milegi... umra ka lihaaz hi nahi karte.... zara si bhi sharm nahi hai..!! Par misra ji ne kabhi kisi ko cheda nahi tha... kisi ko pareshaan nahi kiya...logo ko shayd takleef thi unki aazadi se jo dunki ke set formulae main fir nahi ho paa rahi thi. Sirf mizazi main hi rangeen they Misra ji.... shayad mohabbat main gehra yakin tha unka... vo mohabbat jo vo saari zindagi dhoondte rahe..... pehle apni bivi main aur unke marne ke baad auro main... marte dum tak!! Suna hai kal raat Misra ji ka dehaant ho gaya.... aur aachanak sharabi- kababi, charaterless Misra ji ko... "Swargwasi" ka Title mil gaya....is behad anmol tohfe ka khayal to unhe shayad zindagi bhar nahi aaya hoga....!!! Misra ji ne kbahi iski chaah bhi nahi ki hogi.... karte to auro ki tarah... unki bhi zindagi balck and white hoti jise duniya ke dastooro main ek izzatdaar aadmi ka certificate mil chuka hai!! Lekin Misra ji ne zindagi apni sharto pe ji.... Khair, "Jeete Jee Jo Bhi Jo, Mare Ko Paak Kehte Hai..."!!!

Khawaishon ki darkhwast!

Aaj ek arzi likhi hai khudo....kisi union ki maango si maloom padti hai! Kai khawashien lihpti hai us farre main...jo ki ab jawaan ho gayi hai.....jidd karne lagi hai vo aazad hone ki! Par shayad kahin dil ke kisi kone main.....ek dar sa hai baitha hai......gar sabhi mukammul ho gayio to dil khali na ho jaye! Kaun rahega fir yahan! Dil bhi bada beimaan hai....hasratein bhi paalta hai aur unke bade hone se darta bhi hai.. Seecha hai sabhi khwashion ho lahoo se isne....aisi kaise aazad kar de....haq banta hai iska unpar! Par khwashain ab machalne lagi hain....dil chota padta hai unko.... badi jagah chaiye....aasmano main khelna hai! Sitaro ke paas jana hai...! Kaash dil koi sanddok hot hai...aur khwasin bejaan... Par khawasian bhi ssans leti hai.... Paida hoti hai....badi hoti hai...aur fir ud jati hai.... siatron se aage! Ye jo darkhwast hai khwashion ki....ye kisi khdkhusi se pehle lihi jane wali chitti maloom padti hai. ...Kyunki jo poori hao jaye vo khwashish hi kya! Khwaishen to hamari choti hi thi.... Poori na hui to badi lagne lagi!

Kyunki Kale Rang main ek Roshni dikhti hai!

Dayari ka akahiri page se- 3

Shayad firtrat kuch hamari shab se hi rahi hogi, Khwashison ke sooraj to roz sulate thay dilon main, par umra unki din bhar ki hi thi! -Akanksha

Dayari ke aakhiri page se- 2

Ki lihaz main mizaj chipana pade to kya karain, Khudi se aap chipana pade to kya karain! -Akanksha

Dayari ke aakhiri page se -1

Ishq karo to dastoor se karo, Pata chala ..jurm bhi tabiyat se nhi kiya aur saza bhi kaat li! -akanksha

Khud se khudi tak!

Tanhayi bhi jaruri hai.....zinda hone ka ehsaas dilati hai! Yu to zindagi bitane ke liye mehboob kai hai..... Lekin ishq shayad hamain sirf khudi se hai....... Khudgarzi nahi khuda ki ibadat hai ye! Ajkal masjid nahi jate...suna hai khuda ne vahan baithna band kar diya hai.... Khudi se mulakat karte hai...... zara akele se rehte hai! Akelapan bhi jaruri hai..... zinda hone ka ehsaas dilati hai! -Akanksha

Shaam, yaad aur main!

Meri subah, bahut subah hoti hai...office ke liye....roz ek daud hoti hai subh subah...lekin fir bhi suraj pehle aa hi ajta hai! Jeet jata hai vo roz mujhse...! Isi kuft main, suraj ko harane ke liye jane kitni raatein maine chaand ke saath bitayi hai...lekin aakiri padav main chand bhi chod jata hai aur sirhane neend rakh jata hai! Lagta hai kuch mili-juli si saajish hain ye chaand aur sooraj ki...mujhe waqt se harane ki! Lekin ab main badi ho gayi hu....aur maa kehti hai samajhdaar bhi. Isliye ab maine chaand se dosti karna band kar diya hai...daga baadz hai vo....lori ga ke sula deta hai aur raat aage nikal jati hai! ye aakh micholi din bhar, umra bhar isi tarah chalti rahi! Bachpan se aaj tak samjah nhi paayi main ye, chupan cupai ka khel! Aur ab to waqt bhi nhi hai......khel samajhne ka............subah ke baad seedje raat jo nikalne lagi hai....! Na jane kab aakhiri baar shaam dekhti thi maine....haan yaado ke pitare main padi mili thi mujhe kahin....vahi mere bachpan ki galiyon main! Badi haseen thi....kuch gulabi si...kuch neele... Bada shor karti thi...baccho ke khele ka..dadi ke chillane ka...paksheeyon ke ghar lotne ka.... Par badi pyaari lagti thi... Bada sukoon tha us shor main shayad...! Aajkal shaamain nhi hoti....din dhalta hai aur seedhe raat ho jati hai! Maa ko bolna hai, mere yaadon ke pitare ko sambhal ke almari main rakh de....suna hai aajkal bade chor ghum rahe hai shehar main!