Ek khayal jo Ibadat ban Gaya!

Aur aaj bin-chahe ek pandit se mulakkat hui. Kistamt batane ka karobar hai janaab ka, waah business ho to aisa jo khayal khareede aur khayal beeche! Yu to suna hai logo se ki kismat badal bhi sakte hai vo, magar itna bada jokim uthane ka irada nhi tha mera. Kuch curosity se jayada dare hue us khayal se main bhi apna future jab janana chaha, to pandit ji ne bade hi ulhue shabdon me, graho ke jhol-mel main lipta hue javab se shuruaat ki jo ki meri samajh ke pare thi. Aage fir samjahte huee, kuch aachi buri kahani gadhte hue us anjaan pandit me mujhe mere aane wale kal ki dhundli si kuch sachi-jyada jhooti si tasveer dikhayi...jise dekh mera man bada hi vichlit ho gaya. Dhero sawal utne lage, kuch to maine aade-adhoore andaaz main pooch liye they, par saikado andar hi dabe rah gaye. Pandit ke hisab se, kuch-kuch aachi cheezeen hone wali thi mere saath, aur bahut saari buri cheeze bhi jo shayad aachi ban sakti thi gar pandit se manga hawan, poojan, aadi karaya jaye. Ek-aat to bahut hi darane wali baate bhi batayi pandit ne....baatein to shayad khas nhi thi par jo dar ka beej us pandit ne bo diya tha man ke andar vo bina paani diye hi falta jaa raha tha. Ghar aakar isi udeh-bun main kuch ajeeb sa behave karne lagi main, extra conscious,,,taki kuch galat na ho...pandit ki buri baatein sach na ho, sirf acchi baatain sach honi chaiye....! Isse apni khudgarzi ka ehsaas to ho raha tha muje par is ehsaas se koi takleef nhi ho rahi thi! Bas apne us dar ko samet nhi paa rahi thi main...kehti bhi kisko. Papa to pandito ko mante nahi hain..haan sauk hai unhe...to sunte jarur hain...aur maa, unhe batana bhi kisi jokim se kam nhi tha... vaisi bhi suna hai maine ki dar chua-chut ki beemari hai! khair, mujhse raha nhi gaya aur maine sab maa ke aage ugal hi diya, saath hi gudiya bhi thi! Dono ne sun ke pehle kaha ki "kuch nhi hote ye pandit wandit" phir jara thekar ki maa boli ki "koi harz thodi hai upar karne main, jo bhi pooja paath bataya hai kar lenge" aur main samajh gayi ki vakai dar chua-choot ki beemari hoti hai. Hum sab bhaybeet logo ne aachanak se pooja shuru kar di, main maa se roz poochti aaj kitni der pooja ki aur maa bhi apne dar ki badhi fasal ka chadava pathar ki murthiyon ko chadhane lagi! Aur fir kahin na kahin, takleef hone lagi...takleef is baat ki ab bhi nhi thi ki hum kitne khudgarz hain jo sirf aacha waqt chate hain, par taqleef is baat jarur thi ki us shsyad aana wale waqt ki khatir hum kitne aaj dar main beeta rahe hain. Us din papa ne mujhe kuch yun phone pe samjahya, ki tum sab padhe likhe log is tarak kisi bi dhongi pandit ki baat mai kaise aa sakte ho. Kisse se poochu gar sahi hai saleeka ye Ibadat ka, Khuda kahe jaane wale us ajnabee shaks ka, Khayal jiski shaql hai, Khayal hi suboot hai!

A different world of 'Ableds'!!

"Silence".........and then...Silence again.....infact for forever..! Yes, it is the only language which is still pure and human. For most of us it has no meaning but in a "Different world of Ableds" it is a language...!! Working with differently-ableds have really taught me a different meaning of silence in last two years...and trust me it is not always as peaceful as it seems. Often, the inquisitiveness of hearing the chirping of sparrows to the school bell creates lot of noise in the minds of differently-ableds. The sheer imagination of the thought of note being able to hear thousands of wanted/ unwanted sounds in my environment or not being able to tell what I feel for the other person makes me feel restless tat I just don't want to be into this state for long. It all started with mere sympathy to the hearing and speech impaired ones and without even a pinch of realization to me it graduated to a state of empathy where 'Silence' had its own words, grammar and punctuations. Having an extra set of worries and challenges, the most admiring thing in this different world is the ability or the greater degree of "ACCEPTANCE" exhibited by all most all ableds, that too after facing many rejections at various levels. With them, I have understood the "Joy of Being" is much more than the long list of things that we do not have. The world has witnessed extraordinary success stories of many differently-ableds from Helen Keller to Sudha Chandran...where the power of determination, patience and endurance has been exhibited to the highest level. However, unfortunately, very little is done by the government at this front considering the population of differently ableds. I read in the diary of of one such ABLED: Use the skills that I have got. Do not focus on what I have not. Of course, I am aware of my limitation. Yet, I am a part of God’s wonderful creation.

Bachpan wala "Itwaar"!

Aaj Sunday hai, par na jaane din kahan beet gaya. Poore hafte kaam karne ke baad Sunday ki 'To-do list' main aksar dher saare chote-mote kaam add hote hi jaate hai, aur in pending kaamo ki list hai ki khatam hi nahi hoti. Kaash Sunday to kam se kam 30 ghante ka hota! Khair, khayal hi sahi par na jane kitne saalo se is khayal ko sochkar hi khush ho raho hu ki ek ab aane wale Sumday khub enjoy karungi!! Lekin subah se pehle kaam wali aa jati hai, fir brekfast, lunch, aur haan sabse important kapde bhi to dhoote hote hai Sunday ko....in sabke beech hota hai thoda-thoda Enjoyment...tukdo main hi sahi....waise bhi aajkal har cheez tukdo main jo milti hai...bank loan se lekar....khusiyon tak!! Aaj subah, nasta banate hue yu hi khayal aaya, ki bachpan wala "Itwaar" kitna sukoon bhara tha....haan "ITWAAR" papa hamesha Sunday ko Itwaar bulate hain....!! Subah ki shuruaat hoti thi gaano wali 'Rangoli' se...fir maa ka daatna..."beta naah lo aur nasta karo lo"...naste main bhi aajkal ki tarah oats ya koi calorie conscious breakfast nhi balki khub ghee-tel wale samose ya fir sabji-kachori, jalebi ke saath....sach main kisi jashn se kam nhi hota tha "Bachpan wala Itwaar"! Naha-dhoo ke ham sab buchee ek saath baith jate they TV ke samne, Mogli ke intzaar main... "Jungle-Jungle baat chali hai pata chala hai, chaddi pehnke phool khila hai-phool khila hai" aur nashta hamare samne pesh kiya jata hai...ek bade glass dhoodh ke saath jise dekhkar sab baccho ka munh bigad jata tha. Fir ati thi daadi paath karke, mahabharat dekhne....aur hum poori koshish karte they tV par apna kabza karne ki...kya din they vo bhi...sharing..caring in lafzon ke mayane hi kuch aur they. Aaj har bedroom me TV to hai par us bejan cheez pa apna haq jatane wala kpoi nahi! Sunday ka lunch bhi kisi daawat se kam nahi hota tha, papa-chacha sab ghar pe jo hote they...aur fir uske baad dopahr ki meethi neend. Shaam ki chai ke baad, ye yaad hai mujhe ki aksar ya to hum jhund main ghumne jaya karte they ya fir kisi ristedaar se milne....mel-milap bhi kitna hota tha pehle....jab dekho ya to hum kisi ke ghar pe, ya koi hamare ghar pe....ab kabhi sochti hoon to lagta hai ki shayad ya to din tab bade hote they...ya kaam kam...kitna sukoon hota tha...! Ghoom-fir aane ke baad, maa fir lag jati thi kitchen main...maal-taal banane...bahi Sunday jo tha...dinner main to kuch special banana lazmi tha....(kabhi socha hi nahi....ki maa ka Sunday kab hota hoga!)...aur kuch is tarah badi hi befikri ke saath dhalta tha..."Bachpan wala Itwaar"! Ab subah se shuru hoti hai itwaar ko kiye jaane wale kaamo ki chinta....jinme se adhiktar kaam peechle kai Sundays se udaar liye gaye hote hai...dopahr ki neend to jaise ud si gayi hai...aur "Rishtedaar"....vo bhi kahin apne uljhe hue Sunday ko suljane main vyast honge. Lunch ya dinner...ek time to khana bahar banta hi hai...kisi aache restaurant main...aur vaise bhi aadha Sunday maal main bitane ke baad maa jaisi kahan banane ki himmat bhi to nahi hai aajkal ki ladkiyon main. Aise hi kuch poore-kuch addore kaamo se kati-chati "To-do" list ki shakal main parivartit hua aaj ka Sunday...bahi do pal sukoon ke dhoondne main vyast maloom padta hai..."SUKOON" ye bahi na jaane kitne Sunday se pending hai! Sukoon ki baat mat kar e Ghalib, Ab bachpan wale Itwaar nahi aate!!

Khula Aasmaan aur Ek Bemajhab Chaand.!!!

Yaad main, dard main, khushi main, intazaar main.....kitne saare jazabaato main chipa hota hai "Chaand" ka zikr!! Shayar to kayal hai is 'Chaand' ke, aur ho bhi kyu na...iski taseer hi aisi hai...jo rooh tak thandak deti hai! Jahan sitare majahab, kismat, uunch-neech, aache-bure waqt se insoaano ki insaaniyat baantate hain...wahi chaand ...kuch tanah sa...na jane kitna door baite tanah aashiqko ko kalme padhne ke mukummal hota hoga, na jaane kitni maaye isi 'Chanda Mama' ki kuch jhooti-mooti kahaniyaan sunakar apne nanhe-munno ko kuch kacche-pakke niwale khilati hongi, na jaane kitni biwiyaan apne late hue ya fir aksar late aane wale shauharo ka intazzar isi chaand ko dekhkar karti hongi, na jaane kitni bewaye isi chaand ko dekh subakti hongi.....kine pehlu pehne hai "Ye Ek Bemajhab Chaand". Aaj bhi thare hue saaf aasmaan ki tarah yaad hai mujhe vo bachpan ki garmiyon ki chuttiyan jab raat main light jaane ke bad, khule aasman ke neeche daadi isi chaand ko dekhte-dekhte na jaane kitni kahaniyaan sunati thi....kuch to abhi bhi yaad hai mujhe...akbar-birbal mere pasandeeda hote they...aur saat sitaro ka jhund main hamesha dhoondi rehti thi...daadi kehti thi ki vo saath rishi hai jo upar se hame dekhte hain! Kabhi lagta tha ki jaise "Chanda Mama" se koi naata sa jud gaya tha...kitne atpate saawal jo poochte they is Chaand ke baare main hum sab baache daadi se....aur dadi aakhirkar irritate hoke kehne lagti ki ab so jao...dekho chaand bhi jaa raha hai..aur hum chalte hue chaand ko 'Bye-bye"..na jaane kitni baar bye bol bolkar so jate! Fir gujarate waqt ke saath ek aur cheez mehssos hui ki chaand ek upgrah se jyada ek dost-sa, ek raaz-daar sa ban jata hai...aur shayad uske prati hamara nazariya bhi hamari umr ke saath badalta jaata hai...tabhi to jis chaand me bachpan main ghode pe baite mama dikhte they...uski chaand main hum us apne ka chera doondne lagte hain to kabhi zindagi ke thapedo se thak kar kuch buniyaadi sawaalo ke jawabo....jo bhi ho...kuch baat to hai isi chaand main jo na jane kino ko sukoon ka ehsaas karti hai! Dilo ko ho nahi insaano ko bhi jod ke rakhti hai....majhab ki deewaro ko girati hai!! E-Chaand, tu kis majhab ka hai....Karwachauth bhi tera aur Eid bhi teri!!

Zara Sa Hi Sahi

"Is daudti- bhagti zindagi main zara sa chain hi sahi par jo hai usme khush rehna seekho", Maa hamesha yahi kehti hai. Par kaun samjhaye maa ko ki aaj ke time main 'satisfaction' hi insaan ka dushman hai...jisne santosh kar liya samjo vo mar gaya....bhai aage progess karni hai to bhaagna padega, ladna padega, avval nambar par aane ki chaah rakhi padegi aur fir vahan tak pahuchane ke raaste bhi banane padenge, aur haan in sabke beech 'santosh' ki na to koi jagah hai na time! Itna saal kaam-karte kare ab main professional life main hi nahi personal life main bhi 'Targets' banane lagi hu...pata nahi yeh sahi hai ya nahi...par haan apni goal sheet banake santosh jaruru milta hai, teen mahine main LED TV, agle saal nayi gadi, june main family holidays...aur na jaane kya kya! Aaj aisi hi apni banayi hui kuch purani goal sheets dekhi...hmmm....dekh kar ek ajeeb si khushi mehsoos hui...kafi targets poore ho gaye they...kaafi tick marks they.....hmm...Feeling of Accomplishment. Fir achanak kuch atpata sa ehsaas hua....kai sawaal utne lage jaise ki kya meri life ek 'Project Plan' hai jisme har cheej ek timeline se judi hai...har cheez ka ek target to hai...par zindaki ka target hi pata nahi....!! Aise hi kuch udeh bun main sochte-sochte pata nahi kahan kho gayi main, ek pal practical aur systematic hone ka ehsaas hota to ek pal aisa lagta ki main zindagi ko jee hi nhi rahi hun...bas ek ke baad doosra target achieve kar rahi hun...kuch ho jate hain to khush hote bhool jati hun...aur jo nahi poore hote...ya to unke peeche bhaagti rehti hun ya fir...frustate hote unhe apni goal sheet se delete kar deti hun...! Aur waise bhi, itni saari self-motivation ki books main bhi to yahi likha hai ki apne liye ek wish list banaye....!! Par kabhi-kabhi in khoye-paaye panno main un lamho ko miss karti hu jo inme likhe targets ko poora karne main bali chad gaye...!! kitni saari barsaate....chai-pakode....dost....picnics haan...PICNIC kitna poorana suna lagta hai ye sab! Zara sa hi sahi par zindagi ka maza to inme hi hai.....targets poore karne se zindagi achieve to kee ja sakti hai par jee nahi jaa sakti....shayad Maa sahi kehti hai...'Santosh' zindagi jeene ka naam hai!